| |
| Merasima 2014ê ya cangorîyên Helepçe bi rengîn û xemgîn bû |
|
| 2014-03-17 11:00 |
| fkks |
| info@fkks.se |
|
Di 16ê Adara 2014an de bi munasebeta 26mîn a salvegera komkujiya Helebçe li Stockholmê li Adolf Fredriks kyrka bi merasimeka rengîn şehîdên Helebçeyê hatin bi bîranîn.
Merasim ji aliyê Federasyona Komeleyên Kurdistanê li Swêdê(FKKS) hat organîzekirin bi stran û muzika xemgînî û axaftinên cuda li ser Helepçeyê hat kirin û mûm hatin vêxistin. Biryara Hukmumeta Herêma Kurdistanê ku Helepçe kiriye wilayet ji alîyê beşdarvanan ve bi çepikan hat pêşewazîkirin
Merasim ji aliyê endamê Komîtea Karger yê FKKSê Dr. Maruf Erşad û hunermend û listikvana Swêdî Ingela Carlson ve bixwendina helbestan re hat birêvebirin . Merasîm bi yêk deqîqe bêdengî û bi axaftina Seroka FKKSê Aycan Şermîn Bozarslan destpêkir.
Balyozê Iraqa Federal yê Swêdê Baker Fattah Hussen gotara xwe bi zimanê ingilîzî, Nûnerê Hukumeta Herêma Kurdistanê yê Swêdê Şoreş Rehim bi Swêdî û nûnerê Hevkariya Hêzên Kurdî û Kurdistanê li Swêdê Samir Amin bi kurdî pêşkêş kirin.
Derun Eli zarokek 4 salî ku ji bombeyên kimyevî xilas bibû û du çavên xwe kor bibû û nuha li swêdê bi muzîk mûjil e û li bajarê Goteborgê mekteba mamosteti dixwîne bi ingilizî sitirî; li piyan bi çepikan hat pêşewazîkirin
Rewend Şêxo, Lorin Berzenci, Pirshang Twana û Shandil Berzenci bi stranên xwe yên matemî bêşdaran kelogirî kirin.
Parlamentera Moderatan Margareta Cederfeldt, Nûnera Partîya Çep (V) Jeannette Escanilla, Parlamanterê Partiya Gel(Fp) Fredrik Malm, Parlamentera Partîya Kristdemokraterna(Kd ) Desirée Pethrus, Namzetê Partîya Hawîdorê yê Parlamentoya Ewrûpa Kurdo Baksî (Mp) û Namzeta Partîya Sosyaldemokratan(S) Lawen Redar li ser girîngiya qetlîama Helepçeyê axiftin û piştgîrîya xwe û partîyên xwe anîn zimên.
Bi xwendina helbesteka Ingela Karlsson bîranîna Helepçe dawî bû.
|
|
|
