| |
| Civîna Serokê Parlamentoya Herêma Kurdistanê Yusif Muhammed Sideq li Stockholmê |
|
| 2015-02-17 12:00 |
| fkks |
| info@fkks.se |
|
Di 16.02 2015ê de serokê Parlamentoya Herêma Kurdistanê Yusif Muhammed Sideq tevî berdevkên partîyên ku di parlamentoya Herêma Kurdistanê de temsîl dibin; PDK, Goran, YNK, Hizbî Îslamî, Yekîtîya Îslamî û Aşûrî- Kildanî li Stockholmê bêşdarê civîneka ku ji alî Federasyona Komeleyên Kurdistanê li Swêdê(FKKS) û Hevkarîya Hêzên Kurd û Kurdistanê li Swêdê hatibû organîzekirin, bûn. Civîn li Stockholmê li avayîya ABF li dar ket û ji alîyê bêşdareka qelebalix hat şopandin.
Seroka FKKSê Sosin Guven xêrhatinek germ li serokê parlmantoya Herêma Kurdistanê Yusif Muhammed Sideq û wefda pê re bû kir; seroka berê ya FKKSê Aycan Şermîn Bozarslan modertatorîya civînê kir.
Serokê Parlamentoya Herêma Kurdistanê Yusif Muhammed Sideq di destpêka axaftina xwe de sipasîya kurdên li Swêdê kir ku ew di xebata xwe de gelek sûd dane Herêma Kurdistanê û di vî warî de ciyekî wan yê taybemend heye. Sideq di axaftina xwe de li ser serdana xwe ya Ewrûpayê, rewşa Kurdistanê, şerê peşmerge li dijî DAÎŞê, xebata parlamnetoyê, karê dêplomasiyê û lobîyê rawestîya û bersiva pirsên guhdaran da.
Îro di Parlamentoya Herêma Kurdistanê de 38 parlamenterên PDK, 24 yên Goran, 18 yên YNK, 10 yên Yekîtîya Îslamî, 6 yên Bizotnameya Îslamî hene û kêmneteweyî û partîyên din jî her yek mebûsên wan hene. Serokê Herêma Parlamentoya Kurdistanê Yusif Muhammed Sideq ji grûba Goran e.
|
|
|
