| |
| Pîrozbayîya FKKSê ji bo avakirina hukumeta heştemîn a Herêma Kurdistanê |
|
| 2014-06-21 11:00 |
| fkks |
| info@fkks.se |
|
Federasyona Komeleyên Kurdistanê li Swêdê(FKKS) di bin serokwezîrtîya Neçirvan Barzanî de avakirina hukumeta heştemîn a Herêma Kurdistanê pîroz dike; di demeke dîrokî û hessas de bi beşdarîya zurînêyên partîyên siyasî yên Kurdistanê avakirina Hukûmeta Herêma Kurdistanê, li dijî planên dijminên miletê kurd e û cîyê şanezayîyê ye.
Federasyona Komeleyên Kurdistanê li Swêdê pê serbilind de ku îro alaya rengîn li Kurdistanê li Kerkûke, li Hewlêra paytext li ser Parlemena Kurdistanê û li her derê welêt bi ked û xebata şehîdan, pêşmergeyên canfida û hemû xebatkarên civata Kurd û Kurdistanê bi serfirazî diheje. Pêşmergeyên qehreman îro careke din hêviyên hemû miletê kurd yê li her çar perçeyên Kurdistanê geş dikin; ax û alaya Kurdistanê li hember dijminê kurd diparêzin.
Fedrasyona Komeleyên Kurdistanê li Swêdê hêvî dike ku kabîneya heştemîn a hukûmeta Herêma Kurdistanê ji bo edaleta civakî, wekhevîya jin û mêran û pirsegirekên hemû tebeqeyên civata Kurdistan, îdarî û ewleyîya Kurdistanê bi dilê hemû miletê Kurd pêk bîne.
Federasyona Komeleyên Kurdistanê li Swêdê serokwezîr û hemû endamên kabîneya heştemîn a Hukûmeta Herêma Kurdistanê ji dil û can pîroz dike û di kar û barê wan de serkeftin dixwaze.
19.06.2014
Federasyona Komeleyên Kurdistanê li Swêdê
|
|
|
