| |
| Partiyên Swêdê piştgiriya xwe ji bo gelê kurd diyar kirin |
|
| 2012-04-02 11:00 |
| fkks |
| info@fkks.se |
|
Bîstek ji Newroza 2012ê a FKKS
Serokê Partiya Çep Jonas sjostedt
Serokê Tora (netverk) Parlamentoya Swêd- Kurdistan Fredrik Malm
Parlamentera Partiya Muhefezekar Margareta Cederfeldt
Parlamenterê Partiya Gel Ismai Kamil
Wezîrê Hukmetê yê Integrasiyonê Erik Ulenhag(fp)
Cudî
Pirseng
Serdar Budak
Rekês
Narin Feqe
Peywend Caf
Serokê Partiya Sosyaldemokrat a Swêdê Stefan Lövfen bêşdarê pîrozbayiya Newroza FKKSê bû û piştgiriya partiya xwe ji têkoşîna gelê kurd re nîşan da.
Federasyona Komeleyên Kurdistanê li Swêdê(FKKS) di 24.03.2012ê de li Stockholmê Solnahallenê Newroz pîroz kir. Di Newrozê de serok û nûnerên Partiyên Swêdê bêşdar bûn û peyamên partiyên xwe ragîhandin civata kurd ya Swêdê.
Serokê Partiya Sosyaldemokrat Stefan Löfven, Serokê Partiya Çep Jonas Sjöstedt, Wezîrê Hukmetê yê Integrasiyonê Erik Ulenhag(fp), Serokê Tora (netverk) Parlamentoya Swêd- Kurdistan Fredrik Malm, Parlamentera Partiya Muhefezekar Margareta Cederfeldt, Parlamenterê Partiya Gel Ismai Kamil bêşdarê pîrozbayiya Newrozê bûn.
Bi taybet Serokê Partiya Sosyaldemokrat Stefan Löfven û Serokê Partiya Çep Jonas Sjöstedt bi kêfxweşî hatin pêşewazîkirin; ji ber ku ew, ev cara pêşîn in bûn ku bêşdarê şahiya Newrozê dibûn. Ew herdû serok berê çendeyekî ji aliyên partiyên xwe ve hatibûn hilbijartibûn.
Serokê Partiya Sosyaldemokrat a Swêdê Stefan Lövfen di axaftina xwe de qala piştgiriya partiya xwe jib o kurdan kir û got ku, di dema Olof Palme de ev piştgirî dest pê kir, di dema Anna Lindh û Mona Sahlin de pêşdetir çû û ez ê jî wek wan piştgiriya xwe ji gelê kurd re dom bikim.
Li ser navê Komîteya Hevkarî hêzên siyasî yên kurd û kurdistanî Mewlud Abdalzadeh û li ser navê FKKSê seroka wê Sermin Bozarslan axaftin.
Seroka FKKSê Şermîn Bozarslan di axaftina xwe ya bi zimanê Swêdî û Kurdî de bahsa wê yekê kir ku, îsal Newroz li Kurdistanê di bin siyaseta tund û tujî de li dar ket û siyaseta dewletên mêtingehkar û bi taybet jî ya dewleta Tirkiyeyê bi tundî şermezar kir.
Pîrozbayiya Newrozê ji aliyê berpirsa Kultur û Perwerde a FKKSê Sosin Guven û Meriwan ve ve hat birêvebirin û şahî heta derênge şevê bi dengbêj û hunermendên Kurd Cûdî, Peywend Caf, Pirşeng, Narîn Feqê, Rêkes û Serdar Budak dom kir.
|
|
|
