|
|
|
| |
| FKKS, 30-mîn salvegera xwe bi şevagengekî pîroz kir! |
|
| 2011-05-16 10:00 |
| fkks |
| info@fkks.se |
|
Di 14ê Gulana 2011ê de Federasyona Komeleyên Kurdistanê li Swêdê(FKKS) li Stockholmê 30-mîn salvegera xwe bi şevagengekî pîroz kir. Di pîrozbayiyê de kesên ku di van 30 salan de di organên FKKSê; Komîteya Giştî(KG), Komîteya Kargêr(KK), Komîteya Revîsor(KR) Komîteya Rawêj(KR) de kar kirine bêşdar bûn. Herweha berpirsê medyaya kurdî, nûner û berpirsê rêxistin û partiyên kurd û Kurdistanê di pîrozbayiyê de amade bûn. Peyamên pîrozbayiyê hat xwendin. Rûmuza FKKSê ji aliyê seroka FKKSê Aycan Şermîn Bozarslan li endamên berê û niha wek diyariyek bîranînê hat dayin û bi hevre risim hat kişandin. Pirşeng Tuwana bi dengê xwe yê xweş şevê geş kir, şahî heta derengê şevê bi grûba muzûkê ya Azad bi govendê dewam kir.
Pîrozbayîya 30-mîn ya FKKSê, di Şemîya, 14ê Gulana 2011ê de di seat di 11:00ê de li Stockholmê li hallonbergen di restoranta Darin de dest pê kir û heta 24:00ê şevê dom kir. FKKSê bi organên xwe yên nuha konferansa xwe ya salane li dar xist û muhasebeya xwe ya salane ber bi çav re derbas kir. Serok, sekreter û berpirsê aborî û komîteyên kar raporên xwe pêşkirin; li ser raporan hat muanqeşekirin û serokên komelêyên endam dîtinên xwe li ser raporan anîn zimên û li ser çalakiyên xwe rawestiyan. Konferans ber bi 16:00 de xelas bû. Di navbera 16:00 heta 18:00ê kesên ku di organên FKKSê yên di van 30 salên dawiyê de kar kiribûn û beşdarê pîrozbayiyê bibûn, dîtin û serboriyên xwe yên ku dema di oraganan de kar kiribûn, anîn zimên.
Di seat 19:00 de servîsa xwarinê dest pê kir. Endamê Komîteya Karger û berpirsê navxweyî Cotyar Şerif pêşkêşkiriya şevê kir. Seroka FKKSê Aycan Şermîn Bozarslan bi munasebeta 30-mîn salvegerê peyamek pêkêş kir. Peyama wê cûda çap dikin. Serokê Komîteya Netverka parlamnetoya Swêd- Kurdistan parlamneterê Partiya Gel(Fp) Fredrik Malm di şahiyê de gotarek pêşkêş kir û gotara wî ji aliyê bêşdaran ve bi çepikan hat pêşewazîkirin. Serokê Rêxistinên Etnikî yên li Swêdê (SIOSê) (ku FKKSê jî endamê vê rêxistinê ye) Bijan Shafiei di axaftina xwe de got ku, di nav endamê SIOSê de FKKS rêxistina herî aktîf û dînamîk e û kêfxweşiya xwe anî zimên ku yek ji wan endamê wan FKKSê bi şahiyeka weha 30 saliya xwe pîroz dike. Li ser navê Hevkariya hêzên Kurd û Kurdistanê li Swêdê Şefik Kaya peyivî. Gotara wî cûda çap dikin.
Federasyona Komeleyên Kurdistanê li Swêdê di 22ê Gulana 1981ê de hatiye damezirandin; rêxistineke demokratîk e û bi tu rêxistinên siyasî û olî ve ne girêdayî ye. Di nav rêxistinên kurdan de nimûneyaka yekta ku ji hemû beşên Kurdistanê ji bîr û dîtinên cûda însan di bin baskê xwe de civandiye û li ser van xalan armanca xwe diyar kiriye;
• Kurdan li Swêdê temsil dike û ji bo berjewendiya civata kurd li Swêdê xebat dike.
• Kurdên li Swêdê di derheqa civata Swêdê de agahdaar dike û ji bo çareserkirina pirs û pirsgirekên kurdên li Swêdê û ji bo pirsa integrasyonê xebatê dike.
• Ji bo pêçdebirina ziman û belavkirina çanda kurdî xebate dike.
• Ji bo çareserkirina pirsên jin û ciwan, zarok û handikapên kurd xebatê dike û ji bo peçdebirina wan hewildide ku û îmkanan amede bike.
• Alîkariya penaberên kurd dike û wan di derheqa mafên penaberan de agahdar dike. Ji bo başkirina rewşa wan hewil dide.
• Gelê Swêdê di derheqa pirsa û Kurdistanê de agahdar dike û ji wan doza piştgiriyê dike.
• Li dij zordestiyê piştgiriya tevgera gelê Kurdistanê ya li Kurdistanê û li derveyî Kurdistanê dike û ji parastina nasnameya neteweyî xebatê dike.
• Bi rêxistinên demokratîk û civakî (çi Swêdî, çi biyanî) re hevkarî dike.
• Federasyon ji bo mafên biyaniyan û penaberiyê li gor peymanên naneteweyî û prensibên beyana cîhanê ya mafê mirovan bên parastin dixebite
Li diasporayê dezgeheka weha neteweyî û demokratîk bi çalak û dînamîk 30 sal li ser lingan hiştin ne karekî hêsa ye û ev jî bû para kurdên li Swêdê. Ev nimûneyek xweş e ku divê hemû kurd pê serfiraz û serbilind bin. Ber bi 30 salên din ve!
Seroka FKKSê Şermîn Bozarslan:
”30 -mîn salvegera FKKSê li me hemûyan pîroz be!”
Mêvanên rêzdar,
Serok û nûnerên komeleyên endam,
nûnerên Komîteya Hevkarî ,
nûnerên rêxistinên kurd, beşdarên hêja,
Ez li ser navê Federasyona Komeleyên Kurdistanê li Swêdê bi dilgermî xêrhatina we dikim. Spas ji bo beşdariya we. Spas ji bo peyamên we, Spas ji bo piştgiriyên we!
Federasyona me 30 sal berê di 22 Gulana 1981 an de hat damezirandin. Spas bo komele û kesên ku Federasyonê damezirandin. Spas ji bo we hemûyan ku di nav van 30 salan de bi awayên cuda, di demên cuda de mil dane vê dezgeha bê hempa û tê de xebat kirine. 30 yêmîn salvegera Federasyona Komeleyên Kurdistanê li Swêdê li me hemûyan pîroz be!
Amanca sereke ya avakirina Federasyonê, pêkanîna platformekî hevbeş bo kurdên Swêdê bû. Pêwîstîyek hebû ku, kurdên ji her çar beşên Kurdistanê li Swêdê bi riya dezgehekî weha ku ne girêdayî partî an jî olî bû bihatana temsîl kirin, bi yekgirtî dengê kurd bihata bihîstin, bo piştgirîya gelê kurd, bo pênaberên kurd, bo ziman, nasname û kultur xebatek hevbeş bihata kirin. Kesên ku Federasyonê ava kirin, penaberên sîyasî bûn. Gelek ji wan penaberan weha hesap dikirin ku dê demek li Swêdê bimînîn û dûre vegerin welat. Ew dem yên ku 50 sal bûn, niha 80 salî ne, ew dem yên ku 30 salî bûn, niha 60 salî ne, ew dem yên ku 20 salî bûn, niha 50 salî ne. Beşdarên birêz, bi gotinekî dî dema dewîr teslîmkirinê hatiye. Lê ez ne bawer im ku ev modela rêxistinî, ev struktur, ev usûla xebatê li gor nifşa niha be. Ewana dixwazin bi awayê dî kar bikin, naxwazin bi seetan civînan de rûnin, dixwazin di derdora pirsekî ku bo wan balkêş e bicivin, bi rîya medya û komîteyên hevkar , kulubên fikrî werin cem hev. Nifşa yekem li Swêdê Federasyonek li gor xwe çêkirin. Ez hêvîdar im gencên me jî dê rojek Federasyonê li gor xwe reorganîze bikin.
Dîroka kurdên Swêdê bi awayekî dîroka Federasyonê ye. Berê em pênaberên kurd bûn, niha em kurdên Swêdê ne. Di nav van 30 salan de gelek tişt hatin guhertin. Pirsiyarên civakî ku me xeyal nedikir di nav civata kurdan de derketine holê. Beşek ji welatê me azad bû. Zarokên kurd niha bi serbilindî dibêjin Kurdîstan, parlamento û hikûmeta me heye. Kurd û zimanê kurdî hendî li Tirkiye tabû nîn e. Rewşa xesas ya Herêma Kurdistanê, rewşa kurdên bakûr, rojhilat û rojava hê jî piştgirîya me pêwîst dike.
Yek ji erka Federasyonê piştgirîya çareseriya pirsa kurdî bi rîya aştîyê ye. Piştgirîya demokratîyet e, mafên mirovan e. Ji bo nasname, ziman û çanda kurdî karkirin e.
Rola Federasyonê ya dî ya girîng ev e ku bo mafê zimanê zikmakî, li dij nijadperestî , cudayetî , bo yeksanî, bo civatekî piralî û pirkulturî kar kirin e. Ji bo pêkanîna van armancan me li gor xwe kar kirine. Me dengên kurdên swêdê di qada bilind de dane bihîstin. Me bi sedan proje, konferans, bîranîn û pîrozbahî pêkanîne, me çendin destkeftin wek hebûna avahîya Federasyon, radyoya kurdî, beşa kurdî li Folksamê, têkîlîyên baş digel dezgeh û siyasetmedarên biyanî û swêdî bi destxistine. Em di nav Konfederasyona biyaniyan de ku tê de 20 Federasyonên biyanî endam in, bi çalakî beşdar in. Serokatî ya SIOS ê kirine , niha em li wir posta cigîrtiya serok wergirtine. Di birêvebirîya Weqfa Kitêbxaneya Kurdî de wek cigîra serok beşdarî dikin.
Tesîra Federasyonê li pey her destkeftîyên civata kurdan li Swêdê mezin e. Federasyona Komeleyên Kurdistanê li Swêdê ji çar beşên Kurdistanê ewqas kes bo amancên hevbeş anîye cem hev. Ev tecrûbeyekî mezin e bo demokratîyetê. Endamên Komîteya karger û yên giştî bi hezaran saetên xwe bo xizmeta vê dezgeha demokratîk, netewî û serbixwe dane û didin.
Mevanên ezîz, beşdarên hêja,
Di dawîyê de dixwazim ji dil û can spasiya hemû xebatkarên Federasyonê û komeleyên endam bikim. Silavên xwe yên germ jibo yên ku îro nikaribûn beşdarî bikirana û ji me re peyamên xwe şandine re dişînim. Cerekî dî bi dilgermî xêrhatine we dikim.
Bijî xebata 30 salan!
Her bijî Federasyona Komeleyên Kurdistanê li Swêdê!
2011.05.14
Sermin Bozarslan
Damezirandina FKKSê
Li gorî protokolan, tarîxa damezirandina FKKSê 22.05.1981 e. Ev tarîx di heman wextê de tarîxa kongreya yekem (ya jî kongreya damezirandinê) a FKKSê ye û ev kongre ji aliyê 6 komeleyan û ji her komleyan 2 nûner ve hatiye li dar xistin. Ev komele, Komeleyên partiyên siyasî yên bakurê Kurdistanê bûn û wê demê bi van navan, dihatin naskirin: DDKD, KUK, Riya Azadî û Ala Rizgarî.
Lê di vê kongreya damezirandinê de nûnerên van komeleyan li ser seroktiya Federasyonê li hev nekirin. Ji bo wê jî di eynî salê de yanî di 5-6/12-1981ê de kongreya duyem hat li dar xistin. Di vê kongreyê de nûnerên van komeleyan li hevkirin ku ji bona salekê du(2) berdevk/berpirsiyar bên tayîn kirin û her yek 6 mehan berdevkiya Federasyonê bike. Ji bo 6 mehên pêşî Keya Îzol û ji bo 6 mehên din jî Salih Ince hatin hilbijartin.
Lê di kongreya 3em ku di 4-5-12/1982an de pêk hat di vê kongreyê de Salih Ince wek serokê Federasyona komeleyên kurd hat hilbijartin.
Endamên Komiteyên Kargir a FKKSê - Ji damezirandinê heta nuha
Avakirina Federasyonê 22 Gulan1981
Ji aliyê 6 komeleyên kurd ku her yek dilxwazê partî an jî rêxistineke bû hat avakirin.
Keya Izol- Esref Okumus (Berdevk- kontakman)
Salih Ince,
Nazif Berfirati,
Serefxan Cizirî
Kongreya duyem 5-6/12-1981
Salih Ince- Keya Izol (Berdevk- kontakman)
Eşref Okumus- Berpirsê Aborî
Şerfexan Cizîrî- Berpirsê Agahî û weşanê
Harun Eliacik/Şiyar- Berpirsê rêxistinî
Kongreya sêyem Januri 1982
Salih Ince (Serok)
Keya Izol
Mahmud Kiper
Cewdet
Harun Eliaçik
Eşref Okumuş
Şoreş Eskerî
Kongreya çarem 17-18/01-1984
Mahmud Kiper (Serok)
Saih Ince
Keyo Cigerxwin
Sakip Uzun
Şoreş Askeri
Kadir Kakeli
Kongreya pêncem 26-27/01-1985
Di 16.06 1985an de federasyon bi kongreyeke awerte sistema xwe guherand. Di çerçeweya Belediyan (komunan) de sistema xwe ava kir.
Harun Eliacik (serok)
Vehab Serin
Keyo Cigerxwin
Ahmed Karamus
Siddiq Bozarslan
Ahmed Meki
Hamid Newroz
Kongreya şeşem 1986 (Komiteya Muweqet ji bona 6 mehan)
Zinarê Xamo(serok)
Zubeyr Cigerxwin
Aram Gernas
Harun Eliacik
Kurdekî Iranê(resam)
Kongreya Şeşem 1986
Hanefi Celebli (serok)
Nafi Cilgin
Battal Eziz
Hemid Newroz
Sedat Anter
Ahmed Qaramus
Kongreya heftem 14-15/02-1987
Hanefi Celebli(Serok)
Keya Izol
Cemsid Resul
Cemil Tahir
Hemid Newroz
Kongreya heştem 14-15/02-1988
Keya Izol(serok)
Sebahat
Eli Zerdest
Ahmed Qaramus
Hemîd Newroz
Cemil Tahir
Kongreya nehem 11-12/02-1989
Keya Izol
Cemil Tahir
Hemid Newroz
Ahmed Qaramus
Hesenê Qazî
Dicle Qizil
Hamed Geweri
Kongreya dehem 10-11/02-1990
Keya Izol(Serok)
Vildan Tanrikulu
Ahmed Qaramûs
N. Kiriv
A. Rezaq feyli
Cemil Tahir
Hemid Newroz
Şêrko Bêkes
Ibrahim Çorabçi
Kongreya yazdem 8-10/02-1991
Vildan Tanrikulu(serok)
Ahmed Qaramûs
N. Kirîv
Mahmud Kiper
Berzan Şaxsiwar
Hemid Kilicaslan
Koyo Berz
Kongreya dozdem 22-23/02-1992
Vildan Tanrikulu (serok)
Ahmed Qaramus
A.Rezaq
Cemal Batun
Xebat Arif
Mahmud Kiper
Husro Goran
Hemid Geweri
Kongreya sêzdem 27-28/02-1993
Vildan Tanrikulu(serok)
Ahmed Qaramus
Mustafa Aydogan
Husamettin Aslan
Cemal Batun
Şermîn Bozarslan
N. Kirîv
Hemid Gewerî
Konferansa Yekem 28-29/05-1994
Vildan Tanrikulu
Ahmed Qaramus
Mustafa Aydogan
Husamettin Aslan
Cemal Batun
Şermîn Bozarslan
N. Kirîv
Hemid Gewerî
Kongreya çardem 1995
Mustafa Aydogan(serok)
Nebi Bal
Husamettin Aslan
Şermîn Bozarslan
Dilêr Berzenci
Helale Qazî
Ahmed Qaramus
Hemid Gewerî
Kongreya panzdem 1996
Şermîn Bozarslan (serok)
Şefîk Kaya
Kovan Amedî
Keya Izol
Nebî Bal
Hesen Şêxo
Seyran Duran
Hemdi Gewerî
Kongreya şazdem 10-11/05-1997
Keya Izol(serok)
Nebi Bal
Necdet Gundem
Şoreş Zirek
Selam Ciziri
Selam Numan
Hemid Gewerî
Çiyavan Bamerni
Seyran Duran
Kongreya huvdem 4-5/04-1998
Keya Izol
Nebi Bal
Asî rabatî
Kovan Amedî
Seyran Duran
Hamid Gewerî
Selam Cizîrî
Kongreya hijdem 10-11/04-1999
Keya Izol(serok)
Hemîd Gewerî
Asî Rebatî
Kovan Amedî
Adil Enwer
Seyran Duran
Gulan Avci
Fahri Olçer
Selam Cizîrî
Kongreya nozdem 21-22/10-2000
Biryar hat girtin ji du salan carek kongre çêbibe
Keya Izol(serok)
Hemîd Gewerî
Nasir Feyzullah
Vildan Tanrikulu
Nizal Mahmûd
Kovan Amedî
Faxrî Olçer
Seyran Duran
Şukri Demir
Enwer Karahan
Kongreya bîstem 17/18-05/2002
Keya Izol(serok)
Hemîd Gewerî
Kovan Amedî
Silîva Hessen
Asad Yusufî
Nîzal Mahmûd
Vildan Tanrikulu
Bawer Çoskun
Nûrî Salih
Kongreya bîstîyekem 15/16-05 2004
Sermin Bozarslan (serok)
Hemîd Gewerî
Selam Cizîrî
Keya Îzol
Medya Hessen
Kovan Amedî
Pirseng Tuana
Seyran Duran(Ji YJK)
Ciyavan Bamerni(ji YCK)
Nezir Akat (cigir)
Sefîk Kaya (cigir)
Nûrî Salih (cigir)
Kongreya bîstûduyem 20/21- 05 2006
Sermîn Bozarslan (serok)
Pirseng Tuwana
Selam Cizîrî
Dr. Marûf Ersad
Kerîm Suleyman
Midya Cegerxwîn
Kovan Amedî
Aso Zend
Loqman Ertas
Kasim Qahramanî
Kongreya bistûsêyem 17/18-05 2008
Sermîn Bozarslan (serok)
Pirseng Tuwana
Selam Cizîrî
Serdar Dizayi
Kerîm Suleyman
Cotjar Serif
Kovan Amedî
Amanc Hessen
Şukrî Demir
Loqman Ertas
Kasim Qahramanî
Kongreya bistûçarem 15/16-05 2010
Şermin Bozarslan (serok)
Pirshang Twana
Jotiar Sherif
Selam Ciziri
Kerim Suleyman
Qasim Qehramanî
Welat Kiliçaslan
Sosin Guven
Şukrî Demir
Zuher Berwarî
|
|
|
|
|
|
|
