|
پڕۆسەی تاوانی ئەنفال بە جینۆساید ناسرا |
|
2012-12-06 23:00 |
فیدراسیۆنی کۆمەڵە کوردستانییەکان لە سوید |
info@fkks.se |
|
لە بەرواری ٥/١٢/٢٠١٢لە پەرلەمانی سوید بە کۆی دەنگ پڕۆسەی تاوانی ئەنفال بە جینۆساید ناسرا . هەموو پارتەکان لە ناو پەرلەمان دا لە کۆبوونەوەی ٢٨/١١/٢٠١٢ دەربارەی بەناساندنی ئەنفال بە جینۆسایدگفتوگۆکرا ، لە دواییدا ئەمە یەکەم جارە کە پەرلەمانی ووڵاتێکی ئەوروپی تاوانی ئەنفال بە جینۆساید بناسێ . لە فیدراسیۆنی کۆمەڵە کوردستانییەکان شەرمن بۆز ئەرسلان ، سەلام جزیری و حیفزوڵا نێروەیی بەشداریان کرد . ئەم ناساندنە بە فەرمی لە پەرلەمانی سوید ،مایەی شانازییە بۆ ڕەوەندی کورد لە سوید ، بەتایبەتی فیدراسیۆنی کۆمەڵە کوردستانییەکان لە سوید کە هەردەم لە کارو خەباتی دا ویستویەتی ئەنفال و تاوانی دژ بە هەڵەبجە بە جینۆساید بناسرێ ، ئەو ئاواتەش ئەمڕۆ هاتە دی .هەر بەوبۆنەیەوە سوپاس وپێزانینی فیدراسیۆنی کۆمەڵە کوردستانییەکان ئاراستەی پارتەکانی دەسەڵات و ئۆپۆزشیۆن دەکات ، هەروەها خوازیارە کە هەڵەبجەش بە جینۆسایدبناسرێ و ئەو ڕۆژەش ببێت بە ڕۆژێکی جیهانی دژ بە چەکی کیمیاوی . فیدراسیۆنی کۆمەڵە کوردستانییەکان لە سوید |
|