|
فێربوونی زمانی زگماكی مافی هەر مرۆڤێكە |
|
2020-10-08 23:00 |
فیدراسیۆنی كۆمەڵە كوردستانییەكان لە سوید |
info@fkks.se |
|
فێربوونی زمانی زگماكی مافی هەر مرۆڤێكە
سكرتێری پارتی دیموكراتی كریستیان Peter Kullgren
لە چاوپێكەوتنێكی ڕادیۆی سویدی ، داوای كرد كە فێربوونی زمانی زگماكی لە قوتابخانەكاندا نەمێنێت ، بەلای ئەوەوە ،لە فێركردنی زمانی زگماكی كەموكوری هەیەو هەروەها خەرجیەكی زۆری تێدادەكرێ و دەتوانرێ بۆ فێربوونی شتی تربەكاربهێنرێت.فێربوونی زمانی زگماكی مافێكی سەرەكی هەرمرۆڤێكە .
ئەو بیانوانەی كە Peter Kullgren باسی كردووە ، نابنە هۆكار بۆ لابردنی فێربوونی زمانی زگماكی لە قوتابخانەكاندا بۆ ئەو پەناهەندانەی كەلە سوید دەژین .
لەبری ئەوەی بیر لەوەبكەنەوە كە بە هۆكاری كەموكوری فێربوونی زمانی زگماكی لابەرن ، با بیر لەوەبكەنەوە كە چۆن چارەسەری كەموكوریەكان دەكەن.
ئێمە وەك فیدراسیۆنی كۆمەڵە كوردستانییەكان لە سوید ، داواكارییەكەی Peter Kullgren سكرتێری پارتی دیموكراتی كریستیان نیگەرانی كردین .
وەوەك ئێمە ئاگادارین ئەنجومەنی پارتی دیموكراتی كریستیان سبەینێ 9/10 كۆبوونەوەیان هەیە ، هیوادارین كە ئەندامانی بەشداربوانی كۆبوونەوەكە ئەو داواكارییەی Peter Kullgren ڕەتكەنەوە .
ئێمە وەك فیدراسیۆن داوا لە پارت و ڕێكخراوی سویدی ، هەروەها هەمووڕێكخستنەكانی دیموكراتی بیانی ومامۆستایانی فێربوونی زمانی زگماكی دەكەین كەبەرامبەر ئەوداواكارییە هەڵەیەی Peter Kullgren بێدەنگ نەبن .
كۆڤان ئامەدی
سەرۆكی فیدراسیۆنی كۆمەڵە كوردستانییەكان لە سوید
2020-10-08 |
|