|
لە ڕۆژی شەممە بەرواری 2021-08-21 بۆڕێزگرتن لە خەبات و تێكۆشانی شەهید موسا باباخانی ئەندامی كۆمیتەی ناوەندی حیزبی دیموكراتی كوردستان |
|
2021-08-23 11:00 |
فیدراسیۆنی كۆمەڵە کوردستانیەکان لە سوید |
info@fkks.se |
|
لە ڕۆژی شەممە بەرواری 2021-08-21
بۆڕێزگرتن لە خەبات و تێكۆشانی
شەهید موسا باباخانی ئەندامی كۆمیتەی ناوەندی حیزبی دیموكراتی كوردستان ،كۆڕیادێك لەلایەن كۆمیتەی ناوەندی حیزبی دیموكراتی كوردستان سازكرا ، هەر بەو بۆنەیەوە بەڕێز كۆڤان ئامەدی سەرۆكی فیدراسیۆنی كۆمەڵە کوردستانیەکان لە سوید وتارێكی پێشكەش كرد.
ئەوەش دەقی وتارەكەی بەڕێزیان:
ئەندامان و کادرانی پارتی دیموکراتی کوردستان و نوێنەرانی پارتە سیاسییەکانی کوردستان و سوید و بەشداربووانی بەڕێز
،ڕێزو سڵاوی فیدراسیۆنی کۆمەڵەکوردستانیەكان پێڕادەگەیەنم
بە دڵێکی خەمناکەوە بیستمان کە موسا باباخانی ئەندامی کۆمیتەی ناوەندی حیزبە تێكۆشەرەكەتان ، لەلایەن تیرۆریستانەوە لە کۆماری ئیسلامی ئێران ڕفێندراوە و دواتر تیرۆر کراوە . تیرۆری ئێران لە دەرەوەی سنوورەکانی سەرسوڕهێنەر نییە، زۆرجار بنکە مەدەنییەکانی حیزبی دیموکراتی كوردستان لە باشووری کوردستان بۆردومانی کردووە .
ڕژێمی ئێران ڕێبەرانی پێشووی حیزبی دیموکراتی كوردستان شەهیدان ، عەبدولرەحمان قاسملۆ و سادق شەرەفکەندی لە شارەکانی ئەوروپا تیرۆر كرد . ڕژێمی ئێران لەسەر بنەمای تیرۆر و توندوتیژی دامەزراوە و لەماف و ئازادییەکانی مرۆڤ و دیموکراسی و بەتایبەتی داخوازییە نەتەوەییەکانی گەلی کورد سڵ دەكاتەوە . چونکە تیرۆر كردنی تێکۆشەران و کادرانی کوردانی ڕۆژهەڵاتی کردۆتە ئامانجی سەرەکی خۆی . فیدراسیۆنی كۆمەڵە کوردستانیەکان لە سوید بە توندی ئەوكارە تیرۆریستییەی ئێران بە توندی سەركۆنەو شەرمەزار دەکات .
بەڕێزان ئێمە پێمان وایە هاوکاری حیزب و ڕێکخراوە کوردیەکان لە دژی ڕژێمی خوێناوی تاکە ڕێگایە بۆ کۆتاییهێنان بە تیرۆریزمی ئێران لە دژی گەلی کورد.
بۆیە فیدراسیۆنی کۆمەڵە کوردستانیەکان لە سوید گرنگییەکی زۆر بە یەکڕیزی ماڵی کورد دەدات . ئێمە پشتگیری لە خەبات وتێكۆشانتان دەكەین بۆ ئازادی کوردستان .
هیواو داخوازی ئێمە یەكگرتنێكی بەهێزو كاریگەر لەنێوان لایەنەسیاسیەكانی ڕۆژهەڵاتی کوردستانە .
ئەمڕۆ لە ووتاری پارتی دیموکراتی کوردستان بیستم کە هەردوو باڵی حیزبی دیموكراتی كوردستان تا ڕادەیەكی باش لە یەكدی نزیک بوونەتەوە . ئەمە مژدەیەکی دڵخۆشكەر بوو .
هەر بەو بۆنەیەوە فیدراسیۆنی کۆمەڵە کوردستانیەکان لە سوید پرسەوسەرەخۆشی لە خێزان و هەموو هەڤاڵانی حیزبی دیموكراتی كوردستان دەکات ، خوالێیخۆشبێ وڕەوانی شادبێت
هەر بۆ بیرهێنانەوە هێژایان ،
مخابن بۆ كۆچی دوایی مامۆستا و نووسەر و سیاسەتمەدار و پێشمەرگە کاک ئەحمەد کاكەمەمی کە چەند ڕۆژێک لەمەوبەر بەهۆی نەخۆشییەوە لە ستۆکهۆڵم کۆچی دوایی کرد، خوالێیخۆشبێ وڕەوانی شادبێت
|
|