| |
| جینۆسایدی ئەنفال 2021/4/14 – 1988/4/14 |
|
| 2021-04-14 18:00 |
| فیدراسیۆنی كۆمەڵە کوردستانیەکان لە سوید |
| info@fkks.se |
|
| جینۆسایدی ئەنفال
2021/4/14 – 1988/4/14
ئەنفال پڕۆسەیەكی بەدناوی بەعسیەكان بوو، ئامانجی قڕكردنی كورد و سوتاندنی خاكی كوردستان و هەڵتەكاندنی ژێرخانی ئابووری و لاوازكردن و نەهێشتنی كلتووری ڕەسەنی كوردی بوو.
ئەنفال ئەو برینە قووڵەی جەستەی كوردە كە هەرگیز ساڕێژ نابێ ، نەوە لەدوای نەوە وەك یادەوەریەكی تاڵ لە مێژووی كوردا یادی دەكەنەوە .
بۆ یەکەم جار ئەنفال لە 31/7/1983 لەدژی خەڵكی بێتاوانی بارزان لە كۆمەڵگەكانی بەحركە و قوشتەپە و هەریر دەستی پێکرد ، ئەویش بە ئەنفالكردنی 8000 مێردمنداڵ و پیاو و پیر ئەنجام درا و بردیانن بۆ بیابانەكانی باشووری عێراق و زیندە بەچاڵ کران .
قۆناغەكانی پڕۆسەی بەدناوی ئەنفال لە 23/2/1988 دەستی پێكرد هەتا 6/9/1988 ی خیاند وماوەی 198 ڕۆژی خایاند... لەم پڕۆسەیەدا 200 هەزار هاووڵاتی كوردی سڤیل بوونە قوربانی و بەرەو دۆزەخەكانی بەعس بران و لە ((تۆپزاوە و نوگرە سەلمان و دوبس و عەرعەر)) ەدا لەناوبران و بۆ هەتا هەتایە بێسەر و شوێن کران .
فیدراسیۆنی کۆمەڵە کوردستانیەکان لەسوید سەری ڕێز و نەوازش بۆ شەهیدانی ئەنفال و سەرجەم شەهیدانی کورد و کوردستان دادەنەوێنین ، هیوادارین ئەم یادە ببێتە هۆکار و هەوێنێک بۆ یەکڕیزی ماڵی کورد و یەکهەڵوێستی و یەکدەنگی حیزب و لایەنە سیاسیەکانی کوردستان .
فیدراسیۆنی کۆمەڵە کوردستانیەکان / سوید |
|
