| |
| 21 پەرلەمانتاڕی سویدی پشتگیری لە زمانی كوردی دەكەن |
|
| 2021-02-21 22:00 |
| فیدراسیۆنی كۆمەڵە کوردستانیەکان لە سوید |
| info@fkks.se |
|
| 21 پەرلەمانتاری سویدی پشتگیری لە زمانی کوردی دەکەن ، کە چۆن زمانی کوردی ببێتە زمانی فەرمی لە تورکیا !
بە بۆنەی ڕۆژی جیهانی زمانی دایک ، فیدراسیۆنی کۆمەڵە کوردستانیەکان لە سوید کەمپینێکیان بۆ زمانی دایک دەست پێ کرد .
لە کامپینەکەیان سەرنج دەخەنە سەر ئاستەنگی بۆ سەر زمانی کوردی .
زمانی کوردی ، لەناو خێزانە کوردەکاندا ، وەک پێشوو لەبازاڕ و شەقامدا بەکارناهینرێ بە تایبەتی لە نێو نەوەی نوێی کورد زۆر بە کەمی بەکار دەهێنرێت .
بۆ ئەوەی زمانی کوردی بپارێزرێت و گەرەنتی بکات، پێویستە زمانی کوردیش وەک زمانی فەرمی بناسرێ و زمانی کوردی ببێتە زمانی پەروەردە لە تورکیا و باكوری کوردستان .
بۆ ئەوەی زمانی کوردی بکرێت بە زمانی پەروەردە لە باکووری کوردستان، لە ماوەی چەند ساڵی ڕابردوودا چەندین پلاتفۆرم بۆ بەدەستهێنانی مافی پەروەردە و بەکارهێنانی زمانی کوردی دامەزراوە .
فیدراسیۆنی کۆمەڵە کوردستانییەکان لە سوید پشتیوانی لە هەموو هەوڵ و کۆششێک دەکات بۆ زمانی کوردی .
هەڵمەتەکە بەرفراوانە لە کوردستان و سوید و زۆر وڵاتی دیکەی ئەوروپا بەردەوام دەبێت . ئێمە زۆر شانازی دەکەین کە کەمپینەکەمان گەیشتووەتە پەرلەمانی سوید کە زیاتر لە 20 پەرلەمانتاری پشتیوانی خۆیان بۆ پەروەردەی زمانی کوردی دەربریوە .
ئەم کەمپینە بەردەوام دەبێت و ناوەستێت تا زمانی کوردی وەک زمانی فەرمی و زمانی پەروەردەیی لە تورکیا بناسرێت . زۆر بەگەرمی سوپاسی هەموو ئەو پەرلەمانتارانە دەکەین کە بە واژۆکانیان پشتگیرییان لە زمانی کوردی کردووە .
کۆڤان ئامه دی
سه رۆکی فیدراسیۆنی كۆمەڵە کوردستانیەکان لە سوید |
|
