|
پیرۆزبایی کابینەی هەشتەمی حکومەتی هەرێمی کوردستان |
|
2014-06-21 21:00 |
فیدراسیۆنی کۆمەڵە کوردستانیەکان لەسوید |
info@fkks.se |
|
بەڕێز نێچیرڤان بارزانی ، سەرۆکی ئەنجوومەنی وەزیرانی هەرێمی کوردستان
سڵاوێکی گەرم متمانە پێکردنی پەرلەمانی کوردستان بە کابینەی هەشتەمی ئەنجوومەنی وەزیران، لەکاتێکدایە کە باشووری کوردستان بەهەلومەرجێکی زۆر ناسک و هەستیاردا تێدەپەڕێ ، بەتایبەتی کە حکوومەتی بەغدا سوورە لەسەر بڕینی قووتی خەڵکی کوردستان و ئاگری شەڕی تایفی لە هەڵگیرساندایە ، پێشمەرگە سنوورەکانی کوردستانی کۆنترۆڵ کردووە و دژ بە تیرۆرستان و داگیرکەران بەرگری لەخاکی کوردستان دەکات ، هەر لەبەر ئەوانەیە کە ئەرکی ئەنجوومەنی وەزیران لەنێو ئەو هەلومەرجانەدا سەخت و دژوار دەبێت .بەڵام دڵنیاین بەئەزموونی چەندین ساڵەی بەڕێزتان و هەوڵ وکۆششی وەزیرە بەڕێزەکان ، کوردستان بەرەو ئاییندەیەکی گەش دەبەن . فیدراسیۆنی کۆمەڵە کوردستانیەکان لەسوید وێڕای جوانترین پیرۆزبایی لە ئێوەی بەڕێز و سەرجەم وەزیرە بەڕێزەکان ، خوازیارین کە ئەو چوارساڵە پڕبێت لە بەخشش و ئاوەدانی و پێشکەوتن و سەرکەوتن .
فیدراسیۆنی کۆمەڵە کوردستانیەکان لەسوید 2014-06-19
|
|