| |
| كۆمەڵكوژی دەرسیم لەبیر ناکرێت ! 2021/5/4 – 1937/5/4 |
|
| 2021-05-04 17:00 |
| فیدراسیۆنی كۆمەڵە کوردستانیەکان لە سوید |
| info@fkks.se |
|
| كۆمەڵكوژی دەرسیم لەبیر ناکرێت !
2021/5/4 – 1937/5/4
کۆماری تورکیا لەسەر بنەمای ترس و تۆقاندن دروست بووە . سەرەتا لە ساڵی 1915 دا کوشتاری ئەرمەنییەكان و موسڵمان کرا، پاشان ڕووی لە کوردان کرد ساڵی 1921 بە هەزاران کورد کوژران و بە سەدان گوندی کورد لە هەرێمی قۆچگیری سوتێنرا .
دەرسیم هەرێمێکە کوردانی عەلەوی تێدا نیشتەجێن ، تورکەکان نەک هەر کوردانی دەرسیم و بەڵکو مەزهەبی عەلەویش بە ڕێگر لە بەردەم خۆیاندا دەبینن .
کۆماری تورکیا لە 4 ی ئایاری 1937دا بریار دەدات دەرسیم داگیر بکات ، لەسەر ئەم بڕیارە 12ی 04 ی 1937 بە هێرشێکی گەورەی سەربازی دەرسیم داگیرکرا لە نێوان 1937 بۆ 1938 دا دەیان هەزار کورد ، بەساڵاچوو ، ژن و منداڵ کوژران . ئافرەت و منداڵی دووگیان گولەباران كران .
زیاتر لە 80 هەزار کورد کوژران . دەیان هەزار کەس بە زۆرەملێ کۆچیان پێكرا . منداڵی ساوای بەجێماو درا بە سەرباز ەكان . هەروەها سەید ڕەزاو رەسک حسێنی کوڕی لە 15.11.1937 لە مەیدانی گەنم لە خەرپێت لە سێدارە دران .
فیدراسیۆنی کۆمەڵە کوردستانییەکان لە سوید جارێکی دیکە بە توندی ئیدانەی ئەو کۆمەڵکوژییەی دەرسیم دەکات . هەروەها کەسایەتی نەمر سەید ڕەزا و بە تایبەتی
شەهیدانی دەرسیم و بە گشتی هەموو شەهیدانی کوردستان بە ڕێزەوە یاد دەکاتەوە .
فیدراسیۆنی کۆمەڵە کوردستانییەکان لە سوید |
|
