|
دەستووری فیدراسیۆنی کۆمهڵه کوردستانییهکان له سوید |
|
FKKS |
info@fkks.se |
|
دەستووری فیدراسیۆنی کۆمهڵه کوردستانییهکان
بهندی 1 : ناوی فیدراسیۆن : دهقی ناوهکهی ( فیدراسیۆنی کۆمهڵه کوردستانییهکان له سوید ) . به زمانی سویدی دهبێته Kurdiska Riksförbundet
بهندی 2 : شوێنی کارو خهباتی فیدراسیۆن شوێنی کارو خهباتی فیدراسیۆن له وڵاتی سویده و ناوهندهکهی له ستۆکهۆڵمه .
بهندی 3 : سروشتی فیدراسیۆن فیدراسیۆن ڕێکخراوێکی دیموکراتییه ، سهر به هیچ ڕێکخراوێکی سیاسی و ئایینی نییه و له کۆمهڵهکانی سوید پێکهاتووه .
بهندی 4 : ئامانجهکانی فیدراسیۆن 1- کار دهکات بۆ زمان و فهرههنگی کوردی ، ناسنامه و کلتوورله سوید . 2- کار دهکات بۆ زمانی دایک تا ووتنهوهی زمانی کوردی ببێتهبهشێک له سیستهمی خوێندنی سوید . 3- کار دهکات بۆ فره کلتووری وبه پێی پهیمانه نێو نهتهوهییهکان و پرینسیپه جیهانییهکانی پاراستنی مافی مرۆڤ . 4- کار دهکات بۆ فرهلایهنی ، بهشداری کردن ، گونجاندن ، یهکسانی و دیموکراتی 5- بۆ دابین کردنی شوێن وجێی پێویست بۆکۆبوونهوه و ژیانی ساڵمهزنان وههروهها دابین کردنی فهرمانبهری کورد بۆیان . 6- کارکردن بۆ وهک یهکی ، ماف وئهرک و یهکسانی . 7- دژی جیاوازبینی ، دوژمنایهتی و راسیست خهبات دهکات . 8 - یارمهتی پهنابهرانی کورد دهدات و زانیاریان دهربارهی ئهرک و مافهکانیان دهداتێ ، بۆ ئهوهی ڕێگایهکی ڕاست له کۆمهڵگای تازه بگرنه بهر . 9- کاردهکات بۆ بڵاوکردنهوهی زانیاری لهسهر کورد ، کوردستان و پرسی کورد . 10- خهبات دهکات له پێناو پشتیوانکردنی کۆمهڵگهی سویدی بۆمافی کوردو چارهسهرکردنی پرسی کورد . 11- دژی تاوانکردن و ماده بێهۆشکهرهکان خهبات دهکات . 12- کاردهکات بۆ مافی منداڵ و پهیوهندی نێوان خێزان . 13- سهبارهت به مافی پهنابهران و بیانییان ، به پێی پهیمانه نێونهتهوهییهکان و پرینسیپه جیهانییهکانی مافی مرۆڤ کاردهکات .
بهندی 5 : جێبهجێکردنی ئامانجهکانی فیدراسیۆن 1- پهیوهندی لهگهڵ دامودهزگا ڕهسمییهکان و ڕێکخراوه کۆمهڵایهتییهکاندا دهکات. 2- ههوڵ دهدات لهدێبات وکۆبوونهوه گشتییهکان بهشداری بکات . 3- هاوکاری کۆمهڵهکانی ئهندام دهکات و بۆ پهروهردهکردنیان پڕۆژه ئاماده دهکات 4- له ماڵپهڕی فیدراسیۆن وماڵپهڕی بهربانگ بهزمانی کوردی وسویدی زانیاری بڵاودهکاتهوه . 5- دروستکردنی چهند کۆمیتهیهکی کار بۆ بهجێهێنانی کارهکانی فیدراسیۆن . 6- ڕێکخستن وبهشداریکردن له کۆنفرانس ، دێبات وسیمینار . 7- ههوڵ دهدات بۆ چاوپێکهوتن و دانوستان لهگهڵ چهند بهرپرس و سیاسهتمهدار 8- بڵاوکردنهوهی چهندجۆر له ڕاگهیاندن وداخویانی . بهندی 6 : ئهندامهتی ئهندامهتی کۆمهڵهکان . 1- ههر کۆمهڵهیهکی کورد که له شارهوانییهکدا دامهزرابێت و له شارهوانی خۆی ناونوسکرابێت و خاوهنی پهیرهووپرۆگرامی ناوخۆی بێ و کهمترین 15 ئهندامی ههبێت وه پهیرهووپرۆگرامی فیدراسیۆن پهسند بکات ، دهتوانێ ببێت به ئهندامی فیدراسیۆن . 2- کۆمهڵهیهک که بخوازێت ببێته ئهندامی فیدراسیۆن ، دهبێ داوای خۆی به نوسراو ڕابگهیهنێت وپهیرهووپرۆگرامی ناوخۆی ولیستی ئهندامان وپرۆتۆکۆڵی کۆنگرهکهی لهگهڵ داواکارییهکهی ئاراستهی فیدراسیۆن بکات . 3- له دوای داواکارییهکه له ماوهی مانگێک کۆمیته بریاری به ئهندامبوونی کۆمهڵهکه ئهدات ، وه ئهو کۆمهڵهیهی که داوای ئهندامهتی قبوڵ نهکرێ دهتوانێ سکاڵای خۆی به ڕێگهی کۆمیتهی گشتییهوه بگهیهنێته کۆنگرهی فیدراسیۆن . ههر کۆمهڵهیهک که بیهوێ ببێ به ئهندام له فیدراسیۆن ، دهبێت 3 مانگ بهسهر دروست بوونی کۆمهڵهکه تێپهڕی بێت . 4- کۆمهڵهی ئهندام نابێت له ههمان کاتدا ببێت به ئهندام له فیدراسیۆنێکی تردا . 5- فیدراسیۆن جیا له شارهوانی ستۆکهۆڵم ، له ههر شارهوانییهکدا تهنها یهک کۆمهڵه به ئهندام وهردهگرێت . ئهگهر له شارهوانییهکهدا دوو کۆمهڵه ههبێ و پێویست بێ به ئهندام وهرگیرێن کۆمیتهی کارگێڕ لێکۆڵینهوهی لهسهر دهکات و به گوێرهی ئهو لێکۆڵینهوه یه کۆمیتهی گشتی بریار وهردهگرێ . 6- ههر کۆمهڵهیهک دهبێ له شارهوانی خۆیدا ئهندام وهرگرێ یان له شارهوانییهکی نزیکی خۆی که کۆمهڵهی ئهندامی فیدراسیۆنی تێدا نهبێت . 7- کۆمهڵهکانی ئهندامی فیدراسیۆن ناتوانن له شارهوانییهک ئهندام وهرگرن که ئهو شارهوانییه بۆخۆی کۆمهڵهی سهربه فیدراسیۆنی تێدابێ . 8- ههر کۆمهڵهیهکی پیشهیی یان کۆمهڵهیهکی چالاک یان کۆمهڵهکانی وهکو ژنان ، ساڵمهزنان ، لاوان وکهمئهندامان ، دهتوانێ داوای ئهندامهتی له فیدراسیۆن بکەن . وه ههر کۆمهڵهیهک مافی ناردنی 3 نوێنهریان بۆ کۆنگرهی فیدراسیۆن دهبێت . یهکێتی لاوان ، ژنان ،کۆمهڵهی کهمئهندامان وساڵمهزنان ههموو ئهندامانی سەرەکیان بهشداری دهکهن له کۆنگرهی فیدراسیۆندا . فیدراسیۆن یهک کۆمهڵه به ئهندام وهردهگرێ له ههر شارهوانییهکدا ، بهڵام شارهوانی ستۆکهۆڵم ناگرێتهوه . 9- کۆمهڵهکان له خهباتی خۆیاندا سهربهستن ، به مهرجێک کارهکانیان دژی پهیرهوو پرۆگرامی فیدراسیۆن نه بێت . 10- کۆمهڵهکانی ئهندام دهتوانن به پێی پرینسیپی یهکسان کهڵک له توانای فیدراسیۆن وهربگرن . 11- ئهندامهتی 5 کرۆنه ههر ئهندامێک. ئهگهر کۆمهڵهیهک له کاتی خۆیدا ئهندامهتی ئهندامانی نه ناردبێ ، ناتوانێ نوێنهر بۆ کۆنگرهی فیدراسیۆن ڕهوانه بکات . 12- کۆمهڵهکان دهبێ به لایهنی کهم مانگێک بهر له بهستنی کۆنگرهی فیدراسیۆن کۆنگرهی خۆیان ببهستن و ڕاپۆرتی خهبات و ناوی ئهندامانی کۆمیتهی کارگێڕو نوێنهرانی ههڵبژێردراویان بۆ به شداری کردن له کۆنگرهی فیدراسیۆن بنێرن ، ههروهها کۆمهڵهکان دهبێ 15 ڕۆژ بهرلهبهستنی کۆنگرهکهدا ، فیدراسیۆن ئاگادار بکهن تا نوێنهری فیدراسیۆن بهشداری له کۆنگرهکهیان بکات .
بهندی 7 : له ئهندامهتی کهوتن 1- کۆمهڵهکانی ئهندامی فیدراسیۆن تهنها به پێی بریاری کۆنگرهی خۆیان دهتوانن خۆیان له ئهندامهتی فیدراسیۆن بکێشنهوه ، بریارەکەش بە نووسین دەنێردرێت بۆ فیدراسیۆن . 2- ههر کۆمهڵهیهک که خۆی له ئهندامهتی فیدراسیۆن دهکشێنێتهوه ، له ئهندامهتی فیدراسیۆن دهکهوێ و ناتوانێ داخوازی هیچ شتێک له فیدراسیۆن بکات .
بهندی 8 : له ئهندامهتی دهرکردن 1- ئهگهر کۆمهڵهیهکی ئهندامی فیدراسیۆن ئهرکی خۆی بهجێ نههێنێ یان له کارهکانی دا دژی پهیرهووپرۆگرامی فیدراسیۆن بجوڵێتهوه ، ئهوه لهسهر کۆمیتهی کارگێڕه که لێکۆڵینهوهی لهسهر بکات و ڕاپۆرتێک پێشکهش به کۆمیتهی گشتی بکات ، ئهگهر کۆمیتهی گشتی به پێویستی زانی : - ئاگاداری دهکاتهوه . - ئهندامهتییهکه ههڵدهپهسێردرێت . 2- تهنها کۆنگرهی فیدراسیۆن مافی ئهوهی ههیه که کۆمهڵهیهک له ئهندامهتی فیدراسیۆن دهربکات .
بهندی 9 : ئۆرگانهکانی فیدراسیۆن 1- کۆنگرهی فیدراسیۆن . 2- کۆمیتهی گشتی . 3- کۆمیتهی کارگێڕ . 4- کۆمیتهی ڕێڤیسۆر. 5- کۆمیتهی ڕاوێژ .
بهندی 10 : کۆنگرهی فیدراسیۆن 1- کۆنگره ئۆرگانی ههرهبهرزی فیدراسیۆنه ، ههر دووساڵ جارێک له مانگی 5 دهبهسترێت . بۆ ئهوهی کۆنگرهکه شێوهیهکی یاسایی له خۆ بگرێ ، پێویسته له نیوهی زیاتری یان له سهدا 51 ی ئهندامانی کۆنگره ئاماده بن . ئهگهر ژمارهی ئهندامان لهوه کهمتر بن ئهوه پێویسته بۆ مانگێکی تر دوا بخرێت . 2- کۆمیتهی کارگێڕ دهبێ دوو مانگ بهر له بهستنی کۆنگره کۆمهڵهکانی ئاگادار بکاتهوه . 3- دهبێ هەفتەیەک بهر له بهستنی کۆنگره ڕاپۆرتی کارو خهبات ودارایی کۆمیتهکانی کاری ، بۆ کۆمهڵهکانی ئهندام بنێررێت . 4- له کۆنگرهی فیدراسیۆندا ئهندامانی ( سەرەکی ) کۆمیتهی گشتی ، کۆمیتهی کارگێڕ ، کۆمیتهی ڕاوێژوکۆمیتهی ڕڤیسۆر نوێنهر دهبن له کۆنگرهدا . ئهندامانی جێگری کۆمیتهی گشتی و کارگێڕ مافی دهگدانیان نییه . 5- نوێنهرانی کۆنگرهی فیدراسیۆن به پێی ژمارهی ئهندامانی بهشداری کۆنگرهی ساڵانهی کۆمهڵهکان ههڵدهبژێررێن . ههر کۆمهڵهیهک که 15 ئهندامی ههبێت ، مافی ئهوهی ههیه 2 نوێنهر ههڵبژێرێ ، لهدوای ئهوهش بۆ ههر 20 ئهندام یهک نوێنهر ههڵدهبژێرێ . 6- کۆمهڵهی پیشهیی بۆی ههیه 3 نوێنهر بنێررێ ، کۆمهڵهی ساڵمهزنان ، کهمئهندامان ،لاوان و ژنان دهتوانن ههموو ئهندامانی کۆمیتهی کارگێڕیان بنێرن 7- ئهو کهسانهی که له لایهن کۆنگرهی فیدراسیۆنهوه به ئهندامهتی ئۆرگانهکانی فیدراسیۆن ههڵدهبژێردرێن ، دهبێ تا کۆنگرهی داهاتوو ئهرکی خۆیان بهجێ بێنن . ئهگهر کۆمهڵهیهک که ئهوان ئهندامن تیایدا ،له ئهندامهتی فیدراسیۆن بکهوێت یا له فیدراسیۆن دهربکرێت ،یان بیهوێ ئهندامی خۆی له ئۆرگانی فیدراسیۆن بکشێنێتهوه ، بهڵام ئهو کهسه خۆی نهیهوێت دهرچێت ئهوالهسهر ئهرکی خۆی دهمێنێتهوه . 8- کۆنگره دهتوانێ بۆ وهرگرتنی ئهندام بۆ ئۆرگانهکانی له دهرهوهی نوێنهران ، له ناو ئهندامی کۆمهڵهکانیدا ئهندام ههڵبژێرێت . 9- له کۆنگرهی فیدراسیۆندا ، وهرگرتنی بریار به پێی زۆرینهی دهنگی بهشداران پهسند دهکرێ ، بێجگه له بهندهکانی 17 و 23 . 10 - کۆمەڵەکانی ئەندام و نوێنەرانی کۆنگرە بەر لەیەک مانگ پێشنیارەکانیان بۆ گۆڕینی دەستوور ، دەنێرن بۆ کۆمیتەی گشتی ، تاوەکو لەگەڵ پێشنیارەکانی تر لە کۆنگرەدا بخرێنە دەنگدانەوە . بهندی 11 : کۆمیتهی گشتی 1- کۆمیتهی گشتی له 12 ئهندامی سەرەکی و3 جێگر پێکدێت ، که لهکۆنگرهی فیدراسیۆن ههڵدهبژێررێن . کۆمیتهی کارگێڕ له 9 ئهندامی سەرەکی و 2 جێگر پێکدێت . ههریهکه له ئهندامانی کارگێڕ دهبێ کۆمیتهیهکی کار پێکبێنن . 2- کۆمیتهی گشتی ههره ئۆرگانی بهرزن له نێوان دوو کۆنگرهی فیدراسیۆندا . 3- کۆمیتهی گشتی له کۆبوونهوهی یهکهمی خۆیدا ، سهرۆکی فیدراسیۆن ههڵدهبژێرێ . 4- کۆمیتهی گشتی ههر سێ مانگ جارێک کۆدهبێتهوه وپلانی خهبات ، ڕاپۆرتی کۆمیتهکانی کار ههڵدهسهنگێنێ و بریاریان لهسهر دهدات . 5- کۆمیتهی گشتی دهتوانێ ئهو سزایانهی خوارهوه بداته ئهندامی خۆی : - ئاگادارکردنهوه - ههڵپهساردن ئهندامی سزادراو مافی ههیه ناڕازی بوونی خۆی بخاته بهرچاوی نوێنهرانی کۆنگرهی فیدراسیۆن و بهرگری له مافی خۆی بکات . 6- ئهو 12 ئهندامی سەرەکی و3 جێگره له کۆمیتهی گشتی و 9 ئهندامی سەرەکی و 2 جێگر له کۆمیتهی کارگێڕ ، له کۆنگرهی فیدراسیۆن به جودا ههڵدهبژێررێن . 7- بریارهکانی کۆمیتهی گشتی له لایهن کۆمیتهی کارگێڕهوه جێبهجێ دهکرێن . 8- کۆمیتهی گشتی بهرپرسیاره بهرانبهر به کۆنگرهی فیدراسیۆن . 9- ئهگهر ئهندامێکی کۆمیتهی گشتی ههڵپهسێردرا ، جێگری یهکهم جێی دهگرێتهوه . جێگرهکان بۆیان ههیه بهشداری بکهن له کۆبوونهوهکانی گشتی ، بهڵام مافی دهنگدانیان نییه . 10- کۆمیتهی گشتی لهگهڵ کۆمیتهی کارگێڕ دهتوانن ههموو ئهندامان کۆبکهنهوهو بریاری کۆبوونهوه بدهن . 11- نوێنهری کۆمیتهی گشتی بهشداری دهکات له کۆنگرهی کۆمهڵهکانی ئهندام . 12- ئهگهر ئهندامێکی کۆمیتهی گشتی بهبێ هۆیهکی پهسند له دوو کۆبوونهوهی یهک له دوای یهکی کۆمیتهکهیدا بهشداری نهکات ، ئهوه له ئهندامهتی دهکهوێت . 13- جێگر جێگهی ئه ندامی ئهسڵی دهگرێتهوه له کاتێکدا که بهشداری کۆبوونهوهی نهکرد .
بهندی 12: کۆمیتهی کارگێڕ 1- کۆمیتهی کارگێڕ له 9 ئهندامی سەرەکی و 2 جێگر پێکدێت ، جێگرهکان ئهتوانن له کۆمیتهکانی کاردا بهشداری بکهن ، بهڵام هیچ بهرپرسیارییهک ومافی دهنگدانیان نییه . 2- کۆمیتهی کارگێڕ بهرپرسیاری جێبهجێکردنی بریارهکانی کۆنگرهو بریارهکانی کۆمیتهی گشتی و خهباتی فیدراسیۆنه . 3- کۆمیتهی کارگێڕ له یهکهم کۆبوونهوهی خۆیدا ، سکرتێری فیدراسیۆن ، بهرپرسی دارایی و بهرپرسی کۆمیتهکانی کار ههڵدهبژێرێ و کۆمیتهکانی کار پێکدێنێت . 4- کۆمیتهی کارگێڕ به لایهنی کهمهوه مانگی جارێک کۆدهبێتهوه . سهرۆکی فیدراسیۆن کۆمیتهی کارگێڕ بانگی کۆبوونهوه دهکات . ئهگهردوو ئهندامی کۆمیتهی کارگێڕ به پێویست بزانن ، بۆیان ههیه کۆمیتهی کارگێڕ بانگی کۆبوونهوهی نائاسایی بکهن . 5- کۆمیتهی کارگێڕ ڕاپۆرتی خهبات پێشکهش به کۆبوونهوه دهکات . 6- کۆمیتهی کارگێڕ چهند کۆمیتهیهکی کار پێکدێنن وهکو ( کۆمیتهی پهروهردهو کۆمیتهی پهنابهران و........ هتد) . 7- ئهگهر ئهندامێکی کۆمیتهی کارگێڕبهبێ هۆ له 3 کۆبوونهوهی یهک لهدوای یهک بهشداری نهکرد ئهوه له ئهندامهتی دهکهوێت و جێگری یهکهم جێگهی دهکرێتهوه . 8- ئهگهر ئهندامێکی کۆمیتهی کارگێڕ به ههرهۆیهکهوه بهشداری له سێ کۆبوونهوهی یهک لهدوای یهکی نهکرد ، یان دژی پهیرهوو پرۆگرامی فیدراسیۆن بجوڵێتهوه ،ئهوکاته کۆمیتهی کارگێڕ بریار دهدات به ئاگادار کردنهوه یان ههڵپهساردنی ئهو ئهندامه ، ئهندامی جێگر جێی ئهو ئهندامه دهگرێتهوه .
بهندی 13 : کۆمیتهی ڕێڤیسۆر 1- کۆمیتهی ڕێڤیسۆر لهلایهن کۆنگرهی فیدراسیۆنهوه ههڵدهبژێردرێ . ئهو کۆمیتهیه له 3 ئهندامی سەرەکی وجێگرێک پێک دێت . 2- کۆمیتهی ڕێڤیسۆر کۆنترۆڵی ههمووداهات و خهرجییهکانی فیدراسیۆن دهکات . 3- کۆمیته لهناو خۆیاندا سکرتێرێک ههڵدهبژێرن . 4- کۆمیتهی ڕێڤیسۆر کۆنترۆڵی ههموودارایی فیدراسیۆن ههر دووساڵ جارێک دهکات . ڕاپۆرتی خۆی دهداته فیدراسیۆن . 5- ههر سێ ئهندامی سەرەکی بهشداری دهکهن له کۆنگرهی ساڵانهی فیدراسیۆن وهکو نوێنهر .
بهندی 14 : کۆمیتهی ڕاوێژ 1- کۆمیتهی ڕاوێژ له کۆنگرهی ساڵانهی فیدراسیۆندا ههڵدهبژێ - ئهندامانی کۆمیتهی کارگێڕ بۆیان نییه بهشداری بکهن لهکۆمیتهی ڕاوێژدا . - کۆمیتهی ڕاوێژ له 5 ئهندام پێکدێت . - کۆمیتهی ڕاوێژ به پێی ههڵسهنگاندنی بارودۆخی فیدراسیۆن و کۆمهڵهکانی ئهندام ناوی ئهو ئهندامانهی که دهستدهدهن بۆفیدراسیۆن به کۆنگره پێشنیاز دهکات . - ئهندامانی کۆمیتهی ڕاوێژ بهشداری دهکهن له کۆنگرهی ساڵانهی فیدراسیۆن وهکو نوێنهر .
بهندی 15 : کۆنگرهی نائاسایی 1- له کاتێکدا کۆنگرهی نائاسایی دهکرێت ،که کۆمیتهی گشتی بریاری لهسهربدات . 2- کۆمهڵهکانی ئهندام دهبێ مانگێک بهر له پێکهێنانی کۆنگرهی نائاسایی ئاگادار بکرێن .کۆمهڵهکانی ئهندام ئهتوانن نوێنهری تازهیان ههڵبژێرن . 3- کۆنگرهی نائاسایی تهنها لهسهر ئهو کێشانه دهدوێ که بوونهته هۆی پێکهێنانی کۆنگرهکه . 4- کۆنگرهی نائاسایی لهسهر بنچینهی کۆنگرهی ئاسایی کارهکانی بهڕێوه دهبات .
بهندی 16 : پهیڕهوو پرۆگرامی (دهستوور) فیدراسیۆن تهنها کۆنگرهی فیدراسیۆن مافی گۆڕینی پهیڕهووپڕۆگرامی فیدراسیۆنی ههیه دهبێ دوو له سێی دهنگی ئهو نوێنهرانه پێویسته که له کۆنگرهدا بهشدارن .
بهندی 17 : ئابووری فیدراسیۆن 1- دراوی فیدراسیۆن لهکۆنتۆی بانکێک دا دادهنرێ ، سهرۆک و بهرپرسی ئابوری فیدراسیۆن بهیهکهوه بهرپرسیارن لهو کۆنتۆیه . سهرۆک وبهرپرسی ئابووری پێکهوه دهتوانن بهبێ بریاری کۆمیتهی کارگێڕ تا 5000 کرۆن لهو بانکه بۆ کاری فیدراسیۆن بێننه دهرێ . 2- داهاتی فیدراسیۆن بریتییه له : - ئهندامهتی ئهندامان . - یارمهتی له لایهن شارهوانی و دام ودهزگاکانی میری . - یارمهتی جۆراوجۆر .
بهندی 18 : ئهرکی سهرۆکی فیدراسیۆن 1- نوێنهرایهتی فیدراسیۆن دهکات . 2- بانگی کۆمیتهی کارگێڕ دهکات بۆ کۆبوونهوه. 3- سهرۆکایهتی کۆبوونهوهکان دهکات . 4- چاودێری چالاکییهکانی فیدراسیۆن دهکات . 5- بریارهکانی کۆمیتهی گشتی وکارگێڕ ڕهچاو دهکات . 6- سهرۆکی فیدراسیۆن کاردهکات لهگهڵ دهستهی کارگێڕ بۆ ڕاپهڕاندنی کارهکان .
بهندی 19 : ئهرکی سکرتێری فیدراسیۆن 1- لهکاتی ئاماده نهبوونی سهرۆکی فیدراسیۆن ، جێگهی ئهو دهگرێتهوه . 2- پرۆتۆکۆڵی کۆبوونهوهکانی گشتی و کارگێڕ دهنوسێ و ڕاپۆرتی خهبات ئاماده دهکات و بهرپرسی ئهرشیفی فیدراسیۆنه .
بهندی 20 : ئهرکی بهرپرسی ئابووری فیدراسیۆن 1- بهرپرسیاری داهات وخهرجی فیدراسیۆن و ئهوکهل وپهلانهی که له ناو فیدراسیۆندایه . 2- کۆکردنهوهی ئه ندامهتی ئهندامان . 3- ڕاپۆرتی ئابوری پێشکهش به کۆنگرهی ساڵانهی فیدراسیۆن دهکات .
بهندی 21 : ئهرکی بهرپرسی ڕاگهیاندن و گۆڤاری فیدراسیۆن - بهرپرسی ڕاگهیاندن بهرپرسیاره له دانانی دهستهی نوسهران بۆ گۆڤاری فیدراسیۆن . - دهستهی نوسهران دهبێ لهلایهن کۆمیتهی کارگێڕ پهسند بکرێ . - بهرپرسی ڕاگهیاندن که گۆڤاری فیدراسیۆنیش بهڕێوه دهبات ، سهرپهرشتی کۆبوونهوهی دهستهی نوسهران دهکات و پرۆتۆکۆڵی کۆبوونهوهکه ئاماده دهکات و خهرجییهکانی دهستنیشان دهکات . - بهرپرسیاره لهو شتانهی که بۆ گۆڤارهکه دهنێردرێ وههروهها بهرپرسیارهتی ئهرشیف . بهندی 22 : ههڵوهشاندنهوهی فیدراسیۆن بریاری ههڵوهشاندنهوهی فیدراسیۆن تهنها له کۆنگرهی ئاساییدا دهدرێت . بۆ ههڵوهشاندنهوهی فیدراسیۆن چوار له پێنجی دهنگی نوێنهرانی پێویسته . دوای ههڵوهشاندنهوهی فیدراسیۆن ، ههموو کهل وپهل ودارایی فیدراسیۆن به پێی بریاری کۆنگره ، دهدرێت به کۆمهڵهکانی ئهندام .
19 / 5 / 2012
|
|